34°
Kechasi 21°
Bu haqda AFP ma’lum qildi.
Agentlik manbalariga ko‘ra, taklif AQSh prezidentining Yaqin Sharq bo‘yicha maxsus vakili Stiv Uitkoff tomonidan ishlab chiqilgan rejaga asoslangan bo‘lib, u 60 kunlik o‘t ochishni to‘xtatishni va garovga olingan isroilliklarni ikki bosqichda ozod qilishni nazarda tutadi.
Misrning Al-Kaheera nashriga ko‘ra, taklif doirasida Isroil falastinlik mahbuslarni ozod qilishi va G‘azo sektoriga gumanitar yordam kirishiga ruxsat berishi kerak.
AFPning xabar berishicha, ushbu takliflar Misr va Qatar vositachiligida olib borilayotgan muzokaralar doirasiga kiradi. Avvalroq Misr hukumati taklifning so‘nggi varianti Isroil bosh vaziri Binyamin Netanyaxuga topshirilganini bildirgan edi.
Isroil hozircha vaziyat yuzasidan rasmiy izoh bermagan.
Ma’lumot uchun, Isroil va XAMAS o‘rtasida urush boshlanganidan buyon G‘azoda kamida 62 004 kishi halok bo‘lgan. Aholining aksariyati bir necha marta ko‘chirilgan, 90 foizdan ortiq uylar vayron qilingan, sog‘liqni saqlash, suv va sanitariya tizimlari ishdan chiqqan. So‘nggi 24 soatda ocharchilik sabab 5 kishi, jumladan 2 nafar bola halok bo‘lgan, urush boshidan beri bunday o‘limlar soni 263 kishiga yetgan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
