Rossiya prezidenti matbuot kotibi Dmitriy Peskov joriy yilning 26-dekabr kuni Sankt-Peterburgda bo‘lib o‘tgan norasmiy sammitda MDH davlatlari rahbarlariga taqdim etilgan uzuklarga ramziy tus bermaslikka chaqirdi.

“Uzuklarga e’tibor qaratishning hojati yo‘q. Bu shunchaki yangi yil esdalik sovg‘asi, u erda hech qanday maxsus narsa yo‘q. Vladimir Putin uzuk taqmaydi”, – dedi Peskov.

MDH davlatlari sammiti ishtirokchilariga yangi yil tabriklari yozilgan “klub uzuklari” taqdim etildi, deb xabar berdi Belarus prezidenti Aleksandr Lukashenkoga yaqin “Pul Pervogo” Telegram kanali.

Telekanal ushbu uzuk Belarus prezidentining halqa barmog‘iga taqilgani aks etgan suratni chop etdi. Halqaning o‘rtasida MDH gerbi o‘rnatilgan bo‘lib, uning ichida uch o‘lchamli harflar bilan “Yangi yil – 2023” yozuvi qayd etilgan. Uzuk oq va sariq oltinga o‘xshash materiallardan qilingan.

Lukashenko va Putindan tashqari barcha to‘qqiz nafar yetakchiga uzuklar topshirildi: O‘zbekiston prezidenti Shavkat Mirziyoyev, Qozog‘iston prezidenti Qosim-Jomart To‘qayev, Qirg‘iziston prezidenti Sadir Japarov, Turkmaniston prezidenti Serdar Berdimuhamedov, Tojikiston prezidenti Emomali Rahmon, Ozarbayjon prezidenti Ilhom Aliyev va Armaniston bosh vaziri Nikol Pashinyan.

Sammit 26-dekabr kuni Peterburgdagi Boris Yelsin kutubxonasida bo‘lib o‘tdi. Siyosatchilar yetti soatga yaqin vaqt davomida suhbatlashdi. Ta’kidlanishicha, sammit o‘tkazilishi MDH makonida hamkorlikni birgalikda va haqiqiy strategik sheriklik ruhida davom ettirish istagidan dalolat beradi.

• MDH
• Osiyo
• O‘zbekiston
• Peskov
• Rossiya