31°
Kechasi 18°
Rossiya Polsha va Bolgariyaga gaz yetkazib berishni to‘xtatib, Germaniyaga ham shu xususda tahdid qilganidan so‘ng, kompaniyalar energiya manbalarini diversifikasiya qilishni ko‘rib chiqmoqda. Bu haqda “Mercedes” bosh direktori Ola Kallenius ma’lum qildi.
Agar Rossiya gaz yetkazib berishni qisqartirsa, “Mercedes-Benz” energiya muqobillarini ko‘rib chiqmoqda va energiya ta’minoti uchun Germaniya hukumati bilan yaqindan hamkorlik qilmoqda.
“Har bir kompaniya energiya manbalarini diversifikasiya qilish variantlarini diqqat bilan ko‘rib chiqmoqda, biroq qaysi ssenariy asosida sodir bo‘lishini aytishga hali erta”, – dedi bosh direktor Ola Kayellenius kompaniyaning yillik yig‘ilishi oldidan.
Rossiyaning “Gazprom” kompaniyasi shu hafta Polsha va Bolgariyaga gaz yetkazib berishni to‘xtatdi va Moskvaning Ukrainaga bostirib kirishi uchun Gʻarb sanksiyalariga javob qaytarishni kuchaytirib, boshqa mamlakatlarga ham xuddi shunday qilish bilan tahdid qildi.
“Mercedes” kompaniyasining moliyaviy direktori Xarald Vilgelm avtomobil giganti bo‘yoq do‘konlarini boshqarish va issiqlik uchun gaz qurilmalaridan foydalanishini aytgan.
Germaniyaning boshqa avtomobil ishlab chiqaruvchilari va yetkazib beruvchilari ham Ukraina mojarosi fonida Rossiya Yevropaga gaz yetkazib berishni to‘xtatishi ehtimoliga tayyorlanmoqda.
Shuningdek, “Wolkswagen Group” premium brendi gaz ta’minoti hozirda xavfsiz ekani, ammo avtomobil ishlab chiqaruvchisi keyingi o‘zgarishlarni baholash va zarur choralarni ko‘rish uchun rasmiylar, tarmoq operatorlari hamda yetkazib beruvchilar bilan muntazam aloqada bo‘lib turibdi.
BMW vakillari esa beqaror vaziyatni yaqindan kuzatib borishi va rasmiylarning munosabati kutilayotganini ma’lum qilgan.
Robert Boshning ta’kidlashicha, energiyaga bo‘lgan ehtiyojning 20 foizi gaz bilan qoplanadi, shuning uchun u juda katta miqdorni talab qilmaydi.
“Reuters” tahlili shuni ko‘rsatadiki, Germaniya avtomobil ishlab chiqaruvchilari tomonidan iste’mol qilinadigan energiyaning yarmidan ko‘pi qazilma yoqilg‘idan, eng katta qismi esa tabiiy gazdan olingan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
