Tanadagi har qanday dardni davolash, vazn tashlashdan to kasallikka chalinmaslik uchun beriladigan eng universal tavsiya “suv iching” degan ibora bo‘lib qoldi. Lekin suv ichish doim har bizga foyda keltiradimi?

Buyraklar soatiga taxminan 800-1000 ml.litr suvni qayta ishlashga qodir. Agar bu miqdor oshib ketadigan bo‘lsa, u holda tanadagi natriy balansi buziladi. Suv “mastlik” qon bosimini tartibga solishni qiyinlashtiradi, bu esa miya faoliyatiga, komaga va hatto o‘limga olib keladi. Bundan tashqari, shifokorlarning ta’kidlashicha, ortiqcha suv ichish suvsizlanish kabi xavfli. Ayniqsa buyrak bilan bog‘liq muammoga ega insonlar uchun.

Voyaga yetgan inson kuniga uch-to‘rt litrdan ortiq suv ichmasligi kerak.

Hatto bugungi kunda bolalar ham kuniga 2,5 litr suv me’yori haqida bilishadi. Shifokorlar muntazam ravishda tananing ishlashini osonlashtirish uchun ko‘proq suyuqlik ichishni tavsiya qiladilar, chunki inson organizmi, siz bilganingizdek, 70-80 foiz suvdan iborat. Suyuqlik qonning me’yoriy tarkibi, miyaning oziqlanishi, toksik moddalarni tanadan olib tashlash va oshqozon-ichak yo‘li faoliyati yaxshilanishi uchun zarurdir.

Suv yordamida vazn yo‘qotish ham ancha osonroq va yoshlikni saqlab qoladi. Lekin biz kutgan yuqoridagi natijalarga erishish uchun ham suv ichish tartibi va miqdorini bilish kerak.

Darhaqiqat, bugungi kundagi mashhur tavsiyalardan biri kuniga 1,5-2 litr suv ichishdir. Kun davomida fiziologik holatlar, ko‘z yoshi yoki terlash orqali tanadagi suvning ma’lum miqdorini chiqarib yuboramiz. Uning o‘rnini to‘ldirish albatta zarur. Lekin barchaga tana xohishiga ko‘ra suv ichishni tavsiya etiladi. 1,5-3 litr suv bu umumiy aytilgan miqdor bo‘lib, uni organizmning talabidan kelib chiqib iste’mol qilish kerak. 

Mutaxassislar tanaga nisbatan suv miqdorini hisoblashda misol tariqasida 60 kg vaznga ega inson 2,4 litr suvni kun davomida ichishi kurak. Ya’ni 1 kg vaznga 40 ml suv to‘g‘ri keladi. Tananing ehtiyoji ob-havoga qarab o‘zgarib turishiga ahamiyatli bo‘ling.

Buni hisoblashning nima keragi bor?

Ortiqcha suv sog‘lig‘ingizga salbiy ta’sir qiladi. Haddan tashqari ko‘p suyuqlik iste’mol qilinganda buyraklar va yurakka yuk kuchayadi, ovqat hazm qilishda muammolar yuzaga kela boshlaydi. Suv bilan juda ehtiyot bo‘lish zarur.

Nazoratsiz qabul qilingan suyuqlikning ko‘pligi ayanchli oqibatlarga olib kelishi mumkin. Aksariyati ichak kasalliklariga sabab bo‘ladi. Tarixda bunday voqealar ko‘p kuzatilgan. Ulardan biri britaniyalik Jaklin Xensen 2 soat ichida 4 litr suv ichib, miya shishishidan vafot etgan. Ishdan kelgan bu ayol televizor tomosha qilib o‘zi bilmagan holda yonidagi idishda turgan 4 litr suvni ho‘plab 2 soat ichida ichadi va o‘zini yomon his qila boshlaydi. Boshi og‘riydi va qayt qiladi. Qisqa vaqt ichida hushidan ketadi. Tanadagi suv miqdori ko‘paygani sababli yuqoridagi tashxis bilan vafot etadi.

Yana bir holat: Kaliforniyalik Jennifer Strange noodatiy musobaqada ishtirok etishga qaror qildi. Bu kim ko‘p miqdordagi suvni tez ichishiga bag‘ishlangan bellashuv edi. U rekordni yangiladi, ya’ni 6,5 litr suvni ichdi. Ammo oradan 5 soat o‘tgach, u suvdan zaharlanib vafot etdi. Ushbu xavfli musobaqani o‘tkazayotgan radiostansiya xodimlari ishdan bo‘shatildi.

Oqibatlari o‘xshash yana bir holat Buyuk Britaniyada qayd etilgan. Tumanli Albionda yashovchi 44 yoshli bemor og‘riq qoldiruvchi dori ichishdan qo‘rqib, tish og‘rig‘ini yo‘qotish uchun 8 soat ichida 10 litr sovuq suv ichganligi sababli shifoxonaga yotqizilgan. Muvofiqlashtirish va nutq bilan bog‘liq muammolar sabab, u mast inson kabi holatga tushadi. Lekin tekshiruvlar olib borilganida spirtli ichimliklarni aniqlanmadi. Ma’lum bo‘lishicha, miya to‘qimalarida elektrolitlar muvozanatining buzilishi suv bilan zaharlanish tufayli yuzaga kelgan. Ma’lum bo‘lishicha, erkak uch kun ketma-ket 10 litr suvni ichgan. Bu yurak va boshqa tana a’zolari dosh bera olmagan.

Shifokorlarning ta’kidlashicha, bunday holatlar organizmga kirib kelgan suvni buyrak filtrdan o‘tkazishga ulgurmaydi va yuqoridagi kabi oqibatlar sodir bo‘ladi.

• Ichimlik suvi