Qarshi shahrida bo‘lib o‘tayotgan xalq deputatlari Qashqadaryo viloyati kengashining navbatdan tashqari sessiyasida tashkiliy masala ko‘rildi.

Prezident Shavkat Mirziyoyev 2021-yil noyabr oyidan buyon Qashqadaryo viloyati hokimi vazifasini bajarib kelayotgan Azimov Murotjon Berdialiyevich nomzodini viloyat hokimi lavozimiga tavsiya etdi.

Shuningdek, davlat rahbari viloyatga yangi tasdiqlangan hokimi haqida iliq fikrlarni bildirgan.

– Qashqadaryoga yangi hokim tayinlashimiz kerak. Bu elning feʼlini bilgan odamning nomzodini aytmoqchiman. Men uni kecha emas, 15 yildan beri bilaman. Bojxona tizimida tajriba to‘plagan, mening ishonchimni oqladi. Albatta og‘ir bo‘ldi, ammo toza ishladi, cindirdi korrupsiyani. O‘zimga o‘zim savol beraman. U yoki bu sohaga, hududga rahbarni to‘g‘ri tanladimmi? Baʼzan ishonch bilan, baʼzan ilojsizlikdan kadr qo‘yamiz. Chunki yaxshi kadr topish juda qiyin.  Bilasizlarmi, bitta maktabga fidoyi direktor kelsa, muhitni qancha yaxshi tomonga o‘zgartiradi, – deydi Prezident.

Ovoz berish natijalariga ko‘ra, M.Azimov Qashqadaryo viloyatining hokimi etib tasdiqlandi.

• Murotjon Azimov
• Prezident
• Qashqadaryo
• xabar