Italiyaning Milan shahrida yarim tundan keyin muzqaymoq yoki bir shisha suv xarid qilish taqiqlanishi mumkin. Bu haqda shahar xavfsizligi bo‘yicha maslahatchi Marko Granelli ma’lum qildi.

Qayd etilishicha, 17-maydan 4-noyabrgacha shaharning eng gavjum joylarida yarim tundan keyin olib ketiladigan taomlarni sotish taqiqlanadi. Farmondan ko‘zlangan maqsad – aholining tinchligi va dam olishini muhofaza qilish.

Xavfsizlik bo‘yicha maslahatchi Marko Granellining so‘zlariga ko‘ra, rezolyutsiya hali munitsipalitet tomonidan imzolanmagan. U 3-maygacha manfaatdor tomonlar tomonidan ko‘rib chiqilishi va tasdiqlanishi kerak.

• Italiya