Banan va tvorogli muzqaymoq nafaqat mazali desert, balki foydali ham hisoblanadi. Muzqaymoq tayyorlayotganingizda yog‘lilik darajasi o‘rtacha bo‘lgan tvorogdan foydalanish tavsiya etiladi. Eng asosiysi, bu muzqaymoqni hattoki kichkintoylaringiz ham iste’mol qilishi mumkin.

Kerakli masalliqlar:

– Tvorog - 300 gr.

– Banan – 2 dona.

– Sut – 150 ml.

– Shakar – 100 gr yoki ta’bga ko‘ra.

Tayyorlanish jarayoni:

1.    Avvalo bananlar yuvib olinadi va po‘stlog‘idan ajratib, bo‘laklarga bo‘linadi.

2.    Bananlarni blender yordamida bir xil massaga keltirib olinadi.

3.    Alohida idishga tvorog bilan sutni aralashtirib, bananli massa qo‘shiladi.

4.    Hosil bo‘lgan massa mikser yordamida bir xil holga kelguncha aralashtiriladi.

5.    Tayyor bo‘lgan aralashmani konteynerga solib, 3-4 soatga muzlatgichga qo‘yiladi.

6.    Yumshoq va mayin muzqaymoq hosil bo‘lishi uchun muzlatgichdagi massani har 25-30 daqiqada olib, aralashtirib qo‘yiladi.

7.    Tayyor bo‘lgan banan-tvorogli muzqaymoq xohishga ko‘ra bezatilib, oila a’zolarga tortiq etiladi.

Yoqimli ishtaha!

• Foydali
• Retsept