MChJ masʼul shaxslari gaz hisoblagich uskunasiga qasddan tashqi taʼsir koʻrsatgan holda tabiiy gazdan foydalangan. Bu haqda Iqtisodiy jinoyatlarga qarshi kurashish departamenti xabar berdi.
Qayd etilishicha, Bosh prokuratura huzuridagi Departamentning Navoiy viloyati boshqarmasi tomonidan tergovga qadar tekshiruv oʻtkazilgan.
Unda, “S.S.” MChJning gaz taʼminotidan qarzdorligi mavjudligi sababli tarmoqdan uzib qoʻyilgan boʻlsada, MChJ masʼul shaxslari maxsus tamgʻaga shikast yetkazish orqali gaz hisoblagich uskunasiga qasddan tashqi taʼsir koʻrsatib tabiiy gazdan foydalanishib, davlat va jamiyat manfaatlariga 295 mln. soʻm zarar yetkazilganligi aniqlangan.
Maʼlum qilinishicha, mazkur holat yuzasidan Jinoyat kodeksining 185-2-moddasi (Elektr, issiqlik energiyasi, gaz, vodoprovoddan foydalanish qoidalarini buzish) bilan jinoyat ishi qoʻzgʻatilib, tergov harakatlari oʻtkazilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!