Oʻzbekiston Respublikasi Prezidenti Virtual qabulxonasiga Navoiy viloyatida yashovchi fuqaro tomonidan Navoiy viloyati, Xatirchi tumani Xalq taʼlimi boʻlimi mansabdor shaxslarining xatti-harakatlari hamda boʻlimdagi ijtimoiy-maʼnaviy muhitdan norozilik yuzasidan murojaatlar kelib tushgan.
Holat boʻyicha, Bosh prokuratura Departamentning Navoiy viloyat boshqarmasi tomonidan tergovga qadar tekshiruv oʻtkazilgan.
Unda maʼlum boʻlishicha, Xatirchi tuman Xalq taʼlimi boʻlimi mansabdor shaxslari oʻzaro jinoiy til biriktirib, 2022-yil iyun–dekabr oylarida 43,6 mln. soʻm miqdoridagi ragʻbatlantirish va ish haqlarini noqonuniy hisoblab, byudjet mablagʻlarini talon-toroj qilganliklari aniqlangan.
Maʼlum qilinishicha, mazkur holat yuzasidan Xatirchi tuman Xalq taʼlimi boʻlimi mansabdor shaxslariga nisbatan Oʻzbekiston Respublikasi Jinoyat Kodeksining 167-moddasi 2-qism “g” bandi bilan jinoyat ishi qoʻzgʻatilib, tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!