Qozog‘istonning birinchi prezidenti to‘g‘risidagi qonun mamlakat konstitutsiyasidan sobiq davlat rahbari Nursulton Nazarboyevga oid havolalar chiqarib tashlanganidan keyin o‘z kuchini yo‘qotgan deb topilishi kerak. Bu haqda respublika Konstitutsiyaviy sudi qarorida ma’lum qilindi.
Qayd etilishicha, Qozog‘istonda 2022-yil iyun oyida referendumda fuqarolar tomonidan qo‘llab-quvvatlangan konstitutsiyaga kiritilgan o‘zgartirish va qo‘shimchalar kuchga kirdi. O‘zgartirishlar qatorida mamlakatning asosiy qonunidan birinchi prezident Nursulton Nazarboyevga oid barcha havolalarni olib tashlash ham bor. Xususan, konstitutsiyaning 46-moddasidan birinchi prezidentning maqomi va vakolatlari konstitutsiya va tegishli konstitutsiyaviy qonun bilan belgilanishi to‘g‘risidagi band olib tashlandi.
Konstitutsiyaviy sud mamlakat parlamenti deputatlari guruhining tegishli murojaatini ko‘rib chiqib, uning fikricha, 2022-yil 5-iyundagi respublika referendumidan so‘ng, shaxsiy konstitutsiyaviy huquq mavjudligining konstitutsiyaviy-huquqiy asoslarini istisno qilganini ta’kidladi.
“Qozog‘iston Respublikasining Birinchi Prezidenti – Elboshi (millat yetakchisi – tahr.) to‘g‘risida”gi qonun va konstitutsiyadagi respublikaning birinchi prezidentiga oid boshqa havolalar, “ushbu konstitutsiyaviy qonunning amaldagi qonun hujjatlarida saqlanishi nazarda tutilgan konstitutsiyaning yangilangan tahririga mos kelmaydi”.
“Qozog‘iston xalqining 2022-yil 5-iyundagi respublika referendumida bildirilgan Konstitutsiyadan 46-moddaning 4-bandini va boshqa normalarni chiqarib tashlash to‘g‘risidagi xohish-irodasidan kelib chiqib, hozirgi vaqtda Qozog'iston Respublikasi Konstitutsiyasida "Qozog'iston Respublikasining Birinchi Prezidenti - Elboshi to'g'risida"gi konstitutsiyaviy qonunni Qozog'iston Respublikasining amaldagi qonunida saqlab qolish uchun huquqiy asoslar mavjud emasligi, shu munosabat bilan u oʻz kuchini yoʻqotgan deb topilishi kerak”, — deyiladi Konstitutsiyaviy sudning veb-saytida eʼlon qilingan qarorida.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!