15°
Kechasi 2°
Avvalroq ijtimoiy tarmoqlarda Farg‘ona viloyati Quvasoy shahrida ichimlik suvidan qarzi bor iste’molchi “O‘zsuvta’minot” xodimasini haqoratlagani aks etgan video tarqalgandi. Ushbu holat yuzasidan Farg‘ona viloyati IIB matbuot xizmati izoh berdi.
Aniqlanishicha, joriy yilning 25-yanvar kuni “Farg‘ona suv ta’minot” MChJ Quvasoy shahar filiali nazoratchi xodimi B.S. (ayol) Cho‘lpon MFY Ko‘kterak ko‘chasi 37-uyning ichimlik suvidan muddati o‘tgan qarzdorligini undirish uchun borgan vaqtida, shu uyda yashovchi 1989-yilda tug‘ilgan fuqaro A.G. uni jamoat joyida haqorat qilgan.
Mazkur holat yuzasidan shahar IIB tomonidan A.G.ga nisbatan MJtKning 183-moddasiga asosan ma’muriy hujjatlar rasmiylashtirilgan va qonuniy qaror qabul qilish uchun JIB Quvasoy shahar sudiga yuborilgan.
Sud fuqaro A.G.ga nisbatan yuqoridagi moddaga asosan 10 sutka ma’muriy qamoq jazosi tayinladi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
