Yotoq mebeli – bu bola uchun sog‘lom uyqu bilan ta’minlovchi jihoz bo‘lib, uni to‘g‘ri tanlash katta ahamiyatga ega. Bolaning rivojlanishi uchun uyqu sifati katta rol o‘ynaydi, shuning uchun bolaning yotog‘ini tanlashga ongli ravishda yondashish kerak. Muhimi, materiallarning ekologik tozaligi, xavfsizligi, strukturaning o‘lchami va mustahkamligi, shuningdek, funsionallik hamda dizayndir.
Bolalar mebellaridagi asosiy talablar
Yotoq mebeli tez-tez o‘zgartiradigan narsalar safiga kirmaydi. Bolaning qulay sharoiti, uyqu sifati va hatto xavfsizligi ham yotoq mebeliga bog‘liq. Ammo bolalar kattalarga qaraganda ancha sezgir: ularda ko‘pincha allergiya holatlari kuzatiladi, bundan tashqari ularda shikastlanish xavfi yuqori. Shuning uchun, bolalar mebellarini tanlashda ikkita xususiyat muhim ahamiyatga ega: xavfsizlik va ekologik tozalik.
Qanday turdagi yotoqlarni xavfsiz deb hisoblash mumkin?
• 3 yoshgacha bo‘lgan chaqaloqlar uchun himoya tomonlariga ega mebel;
• Istalgan yoshdagi bolalarga qirralari yumaloq, o‘tkir burchaklarsiz mebel;
• Gipoallergik bo‘yoqlarsiz, zararsiz materialdan ishlangan mebel;
• Tananing og‘irligida shakli o‘zgarmaydiga mebel;
• Ishonchli mahkamlagichlarga ega, mustahkam mebel.
Bolalar mebellarini tanlashda ekologik toza, xavfsiz materiallardan ishlangani muhim talablardan biri hisoblanadi. Kichkintoyning immuniteti shakllanayotgan bir paytda, chaqaloq va hatto maktab o‘quvchisi ham kattalarga nisbatan mebel bo‘yoqlaridagi uchuvchan birikmalarga sezgir bo‘ladi. Eng xavfsiz bolalar yotoqlari eman va qarag‘ayning tabiiy yog‘ochlaridan tayyorlangan mebellar hisoblanadi.
Bolalar mebellarini tanlashda sotuvchidan muvofiqlik sertifikatlari va ekologik xavfsizligini so‘rash ortiqchalik qilmaydi. Agar ishlab chiqarish materiallari xalqaro standartlarga mos kelsa, ular E1 va E0 belgilari bilan belgilanadi.
Bolalar yotoqlari qanday bo‘lishi kerak?
Pediatrlar chaqaloqlar uchun yaxshi yotoq quyidagi to‘rtta talabga javob berishi kerakligini tavsiya qiladi:
• Qo‘shimcha xavfsizlik xususiyatlari;
• Xavfsiz, ideal tabiiy materiallar;
• Kichkintoyning vazni va balandligiga qarab o‘lchamlari to‘g‘ri kelishi;
• Sanitariya me’yorlariga va boshqa xavfsizlik parametrlariga muvofiqligi.
Vizual ravishda, bolalar mebelining sifati qoplamasi orqali baholanishi mumkin. U turli xil dog‘lar, yoriqlar va boshqa notekisliklar, shu jumladan bo‘yoq qoldiqlaridan holi bo‘lishi kerak.
Bolalar yotoqlarining turlari
Bozorda bolalar mebellarining ko‘p turlari mavjud bo‘lib, dizayn jihatdan, klassik, modulli va tematik yotoqlar ajralib turadi. Biroq, uch yoshgacha bo‘lgan bolalar uchun mebelning dizayniga qaragnda qulayligi muhim ahamiyat kasb etadi:
• Belanchak – uyqusida bezovtalanuvchi chaqaloqlar uchun mukammal tanlovdir. Bu avtomatik tarzda tebratish funksiyasini ta’minlaydigan yotoq hisoblanadi, lekin chaqaloq belanchakda bir yarim yilgacha uxlashi mumkin.
• Klassik krovat – kattalar uchun mo‘ljallangan krovatning kichiklashtirilgan shakli. Klassik krovatning ahamiyatli jihati undan bolaning ikki yoshigacha foydalanishingiz mumkin. Ba’zi modellar esa harakatlanish funksiyasini o‘z ichiga olishi bilan universal hisoblanadi.
• Transformer – eng tejamkor tanlovdir, chunki undan farzandingizning go‘daklik paytidan to maktab yoshiga qadar o‘lchamlarini o‘zgartirib foydalanishingiz mumkin.
Yotoq o‘lchamlari va kerakli parametrlari
Bola yotog‘ini tanlashda siz bolaning yoshiga e’tibor berishingiz kerak:
• 1 yoshgacha bo‘lgan bolalar uchun – belanchak mos keladi. Ota-onalar mahkamlagichlarning mustahkamligiga va yon tomondagi panjaralar orasidagi masofaga e’tibor berish lozim. Bo‘shliqlar shunday bo‘lishi kerakki, chaqaloq ularning orasiga sig‘masligi, lekin uning qo‘llari yoki oyoqlari tiqilib qolmasligi muhim sanaladi.
• 3-5 yoshdagi bolalar uchun – transformer modellar yoki klassik bir kishilik yotoqlar yaxshi tanlov hisoblanadi. Bunday yotoqlar o‘tkir burchaklarsiz, bir yoki ikki tomondan ishonchli tarzda o‘rnatilgan himoya elementlariga ega bo‘lgan mebel sanaladi. Bundan tashqari, aynan shu yoshdagi bolalar uchun qaroqchilar, kosmik kemalar yoki avtomobillar ko‘rinishidagi tematik mebel ham tanlash mumkin.
• Maktab yoshidagi bolalar uchun – maktab yoshidagi bolalar uchun mebel sotib tanlayotganda, ularning xohish va istaklarini ham inobatga olish kerak. Bundan tashqari, ota-onalar bolaning o‘sish darajasini hisobga olgan holda yotoq hajmini tanlashlari kerak.
• Ikkita bola uchun – ko‘pchilik ota-onalar ikki qavatli yotoq mebeli tanlashadi, ammo ixchamroq variantlar ham mavjud. Ya’ni zamonaviy texnologiyalardan foydalangan holda ishlab chiqarilgan yuqori konstruksiyali yotoqlar. Ushbu konfigurasiya bilan bitta yotoq oyoqlariga tayangan holda ko‘tariladi, ikkinchisi esa pastdan chiqariladi. Kun davomida yig‘ib qo‘yiladigan mebel o‘yin uchun ko‘proq joy bo‘shatish imkonini beradi.
Bolalar yotoqlarining afzalliklari va kamchiliklari
Afzalliklari. Kichkintoylar uchun yotoq mebeli bolaning yoshi va bo‘yiga mos ravishda kattalarnikidan pastroq bo‘ladi. Optimal material sifatida notoksik lakdan ishlangan tabiiy yog‘ochdan foydalaniladi. Chaqaloqlar uyqusida harakatlarini nazorat qila olmaganligi sababli, shikastlanishning oldini oladigan himoya elementlaridan foydalaniladi.
Kamchiliklari. Bolalar mebellari ham kamchiliklarga ega bo‘lishi mumkin. Ba’zan uzoq muddatga chidamsiz materiallardan tayyorlanadi, ishonchsiz armatura tanlanadi. Shuning uchun ota-onalar mebelning mustahkamligi, yasalish sifati, asosiy va qo‘shimcha elementlarini diqqat bilan ko‘rib chiqishlari kerak.
Bolalar yotoqlarini qanday to‘g‘ri tanlash mumkin?
Bolalar mebellari yetarlicha uzoq xizmat qilishi uchun uning sifatliligiga ishonch hosil qilish kerak. Buning uchun sotuvchidan mebelning xalqaro standartlarga muvofiqligini tasdiqlovchi sertifikat va boshqa hujjatlarni so‘rash lozim. Bundan tashqari, mebel bolaning yoshiga mos kelishi kerak. Agar yotoq mebeli farzandingiz uchun kichkina va tor bo‘lib qolgan bo‘lsa, undan foydalanmaganingiz ma’qul.
Bolalar yotog‘ini sotib olayotganda e’tibor berishingiz kerak bo‘lgan birinchi omil – bu xavfsizlik. Mebellarni ishlab chiqarish uchun foydalaniladigan eng yaxshi material ekologik toza qattiq yog‘ochdir. U bo‘yoq bilan bo‘yalgan, lekin ustidan va lak bilan qoplangan bo‘lishi kerak.
Armatura va dekorativ elementlarsiz soddalashtirilgan modellarga ko‘proq e’tibor qarating. Bolalarning harakatchanligini inobatga olgan holda, ularning xavfsizligi uchun detallari kamroq mebellar tanlash samarali hisoblandi.
Dizayn ham muhim ahamiyatga ega. Yotoq mebeli, shkaf va stolning bir xil ko‘rinishdagisini tanlash tavsiya etiladi. Ko‘pchilik bolalar samolyotlar, kemalar, avtomobillar kabi tematik mebellarni xush ko‘radilar.
Farzandingiz uchun ham qulay, ham sifatli yotoq mebeli tanlab, bolaning sog‘lom uyqusini ta’minlashingiz mumkin.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!