Isroil hukumati matbuot xizmati xabar berishicha, Isroil Bosh vaziri Binyamin Netanyaxu qo‘shinlarni olib chiqish va blokadadagi G‘azo sektoriga hujumlarni to‘xtatishdan bosh tortmoqda.

Axborotda aytilishicha, Netanyaxu G‘azo sektoridagi isroillik mahbuslarni ozod qilish bo‘yicha muzokaralar olib borayotgan delegatsiyaga bir necha bor keng vakolatlar bergan. XAMAS yetakchisi Yahyo Sinvar Isroil armiyasini G‘azo sektoridan olib chiqib ketishga chaqirgan, biroq Netanyaxu bu taklifni yana rad etgan.

Isroil hukumati rahbari harbiy Vazirlar Mahkamasi yig‘ilishi boshlanishidan oldin G‘azodagi urushni tugatish masalasi bo‘yicha muammo borligini bildirgan.

Ma’lumot uchun, 25-may kuni Isroil XAMAS bilan asirlarni almashish va o‘t ochishni to‘xtatish bo‘yicha muzokaralar keyingi hafta davom etishini e’lon qilgan edi, biroq XAMAS bu haqda ma’lumot olmaganini aytdi.

• Binyamin Netanyaxu
• Falastin
• Isroil