“Al-Hilol” hujumchisi Neymarning sevgilisi Bruna Byankardi va ularning chaqalog‘ini o‘g‘irlamoqchi bo‘lishdi.

Mahalliy nashrlarning yozishicha, bosqinchilar tungi soat 3 larda Kotiya shahrida Byankardining onasi yashaydigan xonadonga bostirib kirgan.

Ular umumiy summasi 120 ming dollar bo‘lgan narsalarni o‘g‘irlab ketishgan. Bundan tashqari, uy bekasidan qizi Byankardi va uning chaqalog‘i qayerda yashashini aniqlashga uringan.

“Bugun erta tongda uyimni talon-taroj qilishdi va ota-onamni garovga olishdi. Men va Maviya u yerda yo‘q edik. Xudoga shukur, hammasi joyida”, deb yozadi Neymarning sevgilisi.

Keyinroq Neymar Byankardi va qizi Maviya sog‘-salomat ekanligi haqida post qo‘ydi.

Hozirda politsiya vakillari 3 nafar bosqinchilardan birini ushladi. Aniqlanishicha, u 19 yoshli mahalliy yigit bo‘lgan.

• Braziliya
• Futbol
• Neymar