O‘zbekiston prezidentining tegishli farmoyishiga muvofiq Nozima Davletova Prezident Administratsiyasining Tashqi aloqalar departamenti Tashqi siyosat va tashqi iqtisodiy hamkorlikni kengaytirishni axborot-tahliliy taʼminlash boshqarmasi boshlig‘i lavozimiga tayinlandi. Bu haqda UzA xabar berdi.

Tayinlovga qadar Nozima Davletova Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi lavozimida ishlab kelgan.

O‘zbekiston prezidentining tegishli farmoyishiga muvofiq Jahongir Ahmedov Prezident Administratsiyasi ijodiy tashkilotlar va kinematografiya sohasini rivojlantirish sho‘basi yetakchi inspektori lavozimiga tayinlandi.

Ushbu tayinlovga qadar u O‘zbekiston Davlat san’at va madaniyat instituti dotsenti hamda “Ezgu-film” kinostudiyasi bosh rejissyori lavozimlarida ishlab kelgan.

U rejissyor sifatida “Islomxo‘ja”, “Ilhaq” kabi tarixiy filmlarni suratga olgan.

• Prezident Administratsiyasi
• Tayinlov