Nyu Yorkda dunyodagi birinchi ko‘z ko‘chirib o‘tkazish operatsiyasi amalga oshirildi.

Maʼlumotlarga ko‘ra, Langone tibbiyot markazi jarrohlari ish paytida yuqori kuchlanishli tok urishidan jabrlangan 46 yoshli bemorda ko‘z va yuzning qisman transplantatsiyasini o‘tkazishgan.

Operatsiya taxminan 21 soat davom etgan va unda 140 dan ortiq jarroh, hamshira va boshqa tibbiyot xodimlari ishtirok etgan.

Bemorning yangi ko‘z bilan ko‘ra olishi hozircha nomaʼlum. Biroq ko‘chirib o‘tkazilgan organ operatsiyadan keyin “sog‘lom belgilar”ni ko‘rsatgan.

Ushbu operatsiya ko‘rish qobiliyatini davolashda kelgusida yangi imkoniyatlarni yaratishi mumkin.

• Nyu-York
• Tibbiyot
• Transplantatsiya