Antarktidada joylashgan, “Qiyomat” muzligi deb ataladigan Tuyeys muzligi o‘tgan asrning 40-yillarida eriy boshlagan. AQSh va Buyuk Britaniyadan kelgan xalqaro geologlar guruhi shunday xulosaga kelishdi.

Tuyeys muzligi erishi natijasida yuzaga kelishi mumkin bo‘lgan halokatli oqibatlar tufayli "Qiyomat" muzligi deb ataladi. Mutaxassislarning fikricha, u butunlay erishi bilan dengiz sathi 0,6 metrga, kelajakda esa uch metrga ko‘tariladi. Bir qator tadqiqotchilarning ta’kidlashicha, bu butun g‘arbiy Antarktida muz qatlamini beqarorlashtirishi mumkin.

Muzlik 1970-yillardan beri erib bormoqda. Biroq, mutaxassislar uzoq vaqt davomida aniq qachon boshlanganini va bu jarayonni nima sababdan boshlaganini aniqlay olmadilar. Bu savolga javob berish uchun geologlar erish fronti bo‘ylab turli chuqurliklardan dengiz cho‘kindi yadrolarini yig‘ishdi. Ular kompyuter dasturlari, tomografiya va boshqa usullar yordamida tahlil qilindi. Natijalar shuni ko‘rsatdiki, muz tokchasining ingichkalashi kamida 1940-yillarda boshlangan.

Bunga Tinch okeanining sharqiy qismidagi suvning sirt qatlami haroratining oshishi bo‘lgan El-Ninyo hodisasi sabab bo‘ldi. Olimlarning fikricha, aynan El-Ninyo sayyoramizning turli qismlarida g‘ayritabiiy issiqlikni keltirib chiqaradigan issiqlik to‘lqinlarini yaratadi, deb yozadi ilmiy jurnal.

• Muzliklar
• anomal issiq