31°
Kechasi 18°
2024-yilda Parijda bo‘lib o‘tgan Olimpiada o‘yinlarida Pokiston nomidan nayza uloqtirish bo‘yicha ishtirok etgan Arshad Nadim rekord natijaga erishdi va mahalliy hokimiyatdan 897 ming dollar mukofot oldi. Bu haqda “Associated Press” ma’lum qildi
Pokiston Bosh vaziri Shahboz Sharif Islomoboddagi yulduz sportchini taqdirlash marosimida Nadimga 150 million rupiy (538 ming dollar) berilishini e’lon qildi. Avvalroq Panjob viloyati bosh vaziri Maryam Navoz Nadimning Mian Channu tumani qishlog‘idagi uyiga tashrif buyurib, unga 100 million rupiy (359 ming dollar) chek sovg‘a qilgan.
Navoz nayzani rekord masofaga 92,97 metrga uloqtirgan sportchi sharafiga “PAK 92.97” maxsus davlat raqamiga ega yangi avtomobil kalitini ham topshirdi. Nadimning murabbiyi Salmon Iqbol Butt ham 5 million rupiy (18 ming dollar) bilan taqdirlandi.
Ma’lumot uchun, Pokiston Olimpiadada atigi 1 ta oltin yutgan va medallar soni bo‘yicha 62-o‘rinni egallab turibdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
