So‘nggi yillarda turli hududlarda turnirlar tashkil qilayotgan promouterlik kompaniyasi – UFC endilikda Oq uy hududida janglar tashkil qilishni reja qilgan.

“Bu turnir aniq bo‘ladi”, — degan UFC prezidenti Dana Uayt CBS Mornings dasturi efirida.

Danaga ko‘ra, musobaqani o‘tkazish tartibi AQSh prezidenti Donald Tramp bilan muhokama qilingan Texnik tafsilotlarni Oq uy administratsiyasi bilan kelishish qolgan xolos.

UFC Oq uy hududida o‘tkaziladigan musobaqaning ishtirokchilar ro‘yxati hozircha aniqlanmagan. Nomzodlar orasida Trampning sevimli jangchisi Kolbi Kovington ham bor. Ammo uning so‘nggi janglardagi natijalari va diviziondagi kuchli raqobat bu imkoniyatni qiyinlashtirishi mumkin.

Trampning rejasiga ko‘ra, jang 2026-yilda, AQSh Mustaqillik deklaratsiyasi imzolanganining 250 yilligi munosabati bilan o‘tkaziladi. AQSh prezidenti taxminan 25 ming tomoshabin kelishini kutmoqda. Bu yangilikka tajribali yulduzlar ham befarq qolmadi. Jumladan, UFCda iste’fo bergan sobiq jangchi Jon Jons ham ijtimoiy tarmoqlarda Oq uyda bo‘ladigan turnirda qatnashishi mumkinligiga ishora qilgan.

• Dana Uayt
• Oq uy
• Tramp
• UFC
• turnir