Joriy yilning 25-sentabr kuni Ozarbayjon-Turkiya hujjatlarini imzolash marosimidan so‘ng Ozarbayjon Respublikasi Prezidenti Ilhom Aliyev va Turkiya Respublikasi Prezidenti Rajap Toyyib Erdo‘g‘an matbuotga bayonot berdi.

Prezident Ilhom Aliyev Naxchivanga tashrifi davomida imzolangan hujjatlar Turkiya-Ozarbayjon munosabatlarining rivojlanishiga xizmat qilishini qayd etdi.

“Armaniston Ozarbayjonga qarshi bosqinchilik siyosatini yurita boshlaganida, Naxchivanga nisbatan hududiy da’volari ham bor edi. Bu yerda ham shiddatli janglar bo‘lgan. Va aynan oʻsha paytda Ozarbayjonning buyuk oʻgʻli, oʻsha paytda muxtor respublika rahbari boʻlgan Haydar Aliyev boshchiligida Naxchivan dushmanni oʻz oʻrniga qoʻydi va Ozarbayjon oʻz hududini himoya qila oldi”, - dedi prezident.

Prezident Aliyevning taʼkidlashicha, besh kun avval Ozarbayjon oʻz suverenitetini toʻliq taʼminlagan.

“Agar biz uch yil avval Ikkinchi Qorabogʻ urushi natijasida bosqinchilikka chek qoʻygan boʻlsak va shu yilning 23-aprelida Ozarbayjon-Armaniston chegarasining Lachin yoʻnalishida nazorat-oʻtkazish punkti oʻrnatish orqali hududiy yaxlitligimizni toʻliq tiklagan boʻlsak, unda besh kun oldin biz o'z suverenitetimizni to'liq ta'minladik va tikladik. Qorabog‘ hududida yashovchi odamlar millatidan qat’i nazar, Ozarbayjon fuqarolaridir”, - deya qo'shimcha qildi u.

Davlat rahbarining soʻzlariga koʻra, bu odamlarning xavfsizligi va huquqlari Ozarbayjon davlati tomonidan taʼminlanadi.

Aliyevning aytishicha, bir necha kun avval Yevlax shahrida Qorabogʻ armanlari vakillarining Ozarbayjon davlat idoralari vakillari bilan uchrashuvi boʻlib oʻtgan.

Ozarbayjon prezidenti Qorabog‘da yashovchi arman aholisining ozarbayjon jamiyatiga integratsiyalashuvi jarayoni muvaffaqiyatli davom etishiga ishonch bildirdi.

Prezident Aliyev, Turkiyaning Ozarbayjonning Qorabogʻ iqtisodiy mintaqasida oʻtkazayotgan mahalliy aksilterror operatsiyasi davomida koʻrsatgan ulkan yordamini taʼkidladi:

“Ushbu voqealar (terrorizmga qarshi chora-tadbirlar) sodir boʻlganida siz (Erdo‘gʻan) AQShda, Nyu-Yorkda, BMT Bosh Assambleyasi yigʻilishida qatnashgan edingiz. U yerda dunyoning eng yuksak minbaridan turib Ozarbayjon davlati manfaatlarini ifodalovchi bayonotlar berdingiz. Siz toʻliq xalqaro huquqqa asoslangan adolatli bayonotlar qildingiz – “Qorabogʻ Ozarbayjon zaminidir! Bu ham toʻgʻri, ayni paytda xalqaro huquqqa toʻliq mos keladi va bu Turkiyaning yana bir qardoshlik qadamidir”,– dedi u.

• Erdogʻan
• Ilhom Aliyev
• Ozarbayjon