AQSh Ozarbayjonni diniy erkinliklarning ehtimoliy buzilishlari uchun nazorat talab qilinadigan davlatlar ro‘yxatiga kiritdi. Bu haqda Davlat departamenti tomonidan diniy erkinlikni buzuvchi deb tan olingan mamlakatlar ro‘yxatining yangilangan yillik versiyasida keltirilgan. 

Ma’lum qilinishicha, Ozarbayjon hozir ushbu qora ro‘yxatga kiritilish uchun nomzod sifatida kuzatuv ostida. Ozarbayjondan tashqari, Jazoir, Markaziy Afrika Respublikasi, Komor orollari va Vetnam ham kuzatuv ostida qolmoqda.

Nazorat qilinadigan toifadan qora ro‘yxatga o‘tish sanksiyalar tahdidiga olib keladi.

Xalqaro diniy erkinlik bo‘yicha AQSH komissiyasi Ozarbayjonda amaldagi har qanday diniy guruhlarni ro‘yxatga olish va ularning adabiyotlarini rasmiy organlar tomonidan tasdiqlashni talab qiluvchi qoidalardan xavotir bildirgan.

Diniy erkinlikni buzuvchi davlatlar ro‘yxatiga 12 ta davlat – Rossiya, Shimoliy Koreya, Kuba, Eritreya, Eron, Myanma, Nikaragua, Pokiston, Saudiya Arabistoni, Turkmaniston, Tojikiston va Xitoy kiradi.

• AQSh
• Diniy erkinlik
• Ozarbayjon
• Rossiya
• Saudiya Arabistoni