Davlat statistika qo‘mitasining BMTning Aholishunoslik jamg‘armasi ma’lumotlariga tayanib ma’lum qilishicha, O‘zbekiston doimiy aholisi soni bo‘yicha dunyoda 43-o‘rinda qayd etilgan.

Statistik ma’lumotlarga ko‘ra, O‘zbekiston Respublikasida 2022-yil 1-yanvar holatiga doimiy aholi soni 35 271,3 ming kishini tashkil etib, o‘tgan yilga nisbatan 712,4 ming kishiga yoki 2,1 foizga ko‘paydi.

Mos ravishda ayollar soni 346,6 ming kishiga yoki 2,0 foizga, erkaklar soni esa 365,7 ming kishiga yoki 2,1 foizga ko‘paygan. 

Shuningdek:

0-14 yosh – 28,7 foiz

10-19 yosh – 16,4 foiz

10-24 yosh – 24,4 foiz

15-64 yosh – 66,2 foiz

64 yoshdan yuqori – 5 foiz Birlashgan Millatlar Tashkilotining Aholishunoslik jamg‘armasi ma’lumotlariga ko‘ra 2021-yil 1 – yanvar holatiga yer yuzidagi jami aholi soni 7 875 mln. kishini tashkil etgan. O‘zbekiston Respublikasi aholi soni bo‘yicha mamlakatlar o‘rtasida 43-o‘rinda qayd etilgan.

• Demografiya
• O‘zbekiston