Toşkent şahridagi “Hilton Taşkent City” mehmonxonasida ötkazilgan III Özbekiston – Rossiya media forumida ikki mamlakat örtasidagi axborot sohasidagi hamkorlik, media xavfsizligi va raqamli texnologiyalarni rivojlantiriş masalalari muhokama qilindi. Ikki kunlik anjumanda davlat idoralari, yetakçi media taşkilotlari, IT sektori va kreativ industriya vakillaridan 200 nafardan ortiq iştirokçi qatnaşmoqda.

Forumning oçiliş marosimi va yalpi majlisida Özbekiston Respublikasi Prezidenti Administratsiyasi Kommunikatsiyalar departamenti boşliği – Prezident matbuot kotibi Şerzod Asadov nutq sözladi. U Özbekiston va Rossiya örtasidagi media hamkorlikni rivojlantirişda özaro işonç, tajriba almaşiş va professional aloqalarni mustahkamlaş muhimligini ta’kidladi.

Tadbirda Özbekiston media makonida amalga oşirilgan özgarişlar haqida ham ma’lumot berildi. Qayd etilişiça, mamlakatda faoliyat yuritayotgan qariyb 2 700 ta ommaviy axborot vositasining 67 foizi xususiy sektorga tegişli. Joriy yilda 15 ming nomdagi kitob 60 million nusxadan ortiq adadda çop etilgan. Internet qamrovi esa 94 foizga yetgan.

Şuningdek, mamlakatda faol kontent iste’molçilari soni 32,7 milliondan oşgani, yil davomida Kontent markazi tomonidan tayyorlangan 26 mingdan ortiq media mahsulot qariyb 2 milliard marta tomoşa qilingani ta’kidlandi. Milliy mediabank ham işga tuşirilib, Özbekiston haqidagi foto va videomateriallar oçiq foydalaniş uçun taqdim etilgan.

Forumda dezinformatsiya, soxta xabarlar va sun’iy intellekt yordamida yaratilgan deepfake kontentlarga qarşi kuraşiş masalalariga alohida e’tibor qaratildi. Şerzod Asadov axborotning haqqoniyligini ta’minlaş va manipulyatsiyalarning oldini oliş media taşkilotlarining muhim vazifalaridan biri ekanini qayd etdi.

Şu bilan birga, Özbekiston va Rossiya örtasidagi media hamkorlikni rivojlantiriş böyiça törtta ustuvor yönaliş ilgari surildi. Bular jurnalistlar malakasini oşiriş va kadrlar tayyorlaş, dezinformatsiyaga qarşi birgalikda kuraşiş, raqamli texnologiyalar va sun’iy intellekt sohasida qöşma işlanmalarni yölga qöyiş, şuningdek, tahririyatlar, jurnalistlar va blogerlar örtasidagi töğridan-töğri aloqalarni kengaytirişdan iborat.

Ma’lumotlarga köra, Özbekistonda dezinformatsiyaga qarşi kuraşiş böyiça maxsus ta’lim platformasi orqali 11 ming nafar yoş mutaxassis öqitilgan.

Forum doirasida törtta panel sessiyasi, kibermakonda axborot xavfsizligi va bolalarni himoya qilişga bağişlangan maxsus seminar hamda biznes vakillari örtasida B2B muzokaralari ötkazilmoqda.