Futbol bo‘yicha U-20 Osiyo kubogining chorak finalida O‘zbekiston yoshlar terma jamoasi Janubiy Koreyaga qarshi bahs olib bordi. Uchrashuvning 18-daqiqasida esa Tuxsanov gol urdi va hisobni ochdi. Oradan 8 daqiqa o‘tib, koreyaliklar hisobni tenglashtirdi. 

Ikkinchi bo‘limning boshlarida Janubiy Koreya vakillari hisobda oldinga chiqib olishdi. 61-daqiqada esa oradagi farq yiriklashdi

Hakam tomonidan qo‘shib berilgan ilk daqiqada Muhammadali O‘rinboyev uzoq masofadan zarba yo‘llab hisobni qisqartirdi. 90+4-daqiqaga kelib esa Abdug‘ofur Haydarov hisobni tenglashtirdi.

Shundan so‘ng qo‘shimcha bo‘limlarga o‘tildi. Ushbu bo‘limlarda hisob o‘zgarishsiz qolgach, penaltilar seriyasiga navbat berildi. Unda Janubiy Koreya vakillari 3:1 hisobida g‘alaba qozondi. Mazkur mag‘lubiyat O‘zbekiston U-20 terma jamoasini Jahon chempionati yo‘llanmasidan mosuvo qildi.

• Futbol
• Janubiy Koreya
• Osiyo kubogi
• O‘zbekiston