Oʻzbekistonda dasturiy taʼminot ishlab chiqaruvchi SAP kompaniyasining mintaqaviy vakolatxonasi ochiladi. Bu haqida SAP’ning Markaziy va Sharqiy Yevropa boʻyicha direktori Tom Kindermansning IT Park vakillari bilan uchrashuvida maʼlum qilindi.
Tom Kindermansning taʼkidlashicha, SAP uchun navbatdagi qadam Oʻzbekistonda tashkilot faoliyatini rasmiylashtirish va yuridik shaxs (tadbirkorlik subyektini) tashkil etishdan iborat.
Tomonlar SAP vakolatxonasi Oʻzbekistonda IT sohasini sezilarli darajada rivojlantirishi, shuningdek, yirik texnologik kompaniyalarning Oʻzbekiston bozoriga kirishi uchun turtki boʻlishini taʼkidlagan.
Maʼlumot uchun, SAP tashkilotlar uchun dasturiy taʼminot ishlab chiqaruvchi yirik kompaniya hisoblanadi. Uning bosh osh qarorgohi Valdorfda joylashgan. Kompaniya 180 mamlakatda 440 mingdan ortiq mijozlarga ega, u korporativ ilovalar bozorida yetakchilardan biri hisoblanadi.
SAP 2007-yildan buyon Oʻzbekistonga oʻz texnologiyalarini yetkazib bermoqda. Bugungi kunda kompaniyaning Oʻzbekistondagi mijozlari asosan savdo, moliyaviy, shuningdek, telekommunikatsiya va qurilish kompaniyalari hisoblanadi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!