O‘zbekistonning Fransiyadagi Favqulodda va muxtor elchisi Nodir G‘aniyev Fransiya Respublikasi Prezidenti Emmanuel Makronga ishonch yorlig‘ini topshirdi. Bu haqda O‘zA xabar berdi.

Ta’kidlanishicha, suhbat davomida Emmanuel Makron o‘tgan yil Samarqandga amalga oshirgan tashrifini iliqlik bilan eslagan.

Ma’lumot uchun, 52 yoshli Nodir G‘aniyev Toshkent davlat universiteti (hozirgi O‘zbekiston Milliy universiteti) sharqshunoslik fakultetini bitirgan. 1994-yildan buyon Tashqi ishlar vazirligi tizimida ishlab kelmoqda. Dastlab markaziy apparatda, so‘ngra xorijdagi diplomatik vakolatxonalarimizda turli lavozimlarda xizmat qilgan.

Xususan, Yevropa mamlakatlari va YeI institutlari bilan hamkorlik boshqarmasi rahbari sifatida faoliyat ko‘rsatgan.

• Fransiya
• Makron