Paleontologlar Uayt orolida topilgan tarixdan oldingi mavjudotning toshga aylangan qoldiqlarini dinozavrning yangi turi sifatida aniqlashdi. U Londondagi Tabiiy tarix muzeyining umurtqali hayvonlar qoldiqlari boshlig‘i professor Pol Barret sharafiga Vectipelta barretti nomini oldi.

Paleontologlarning fikricha, dinozavr Vesseks formasiyasida topilgan ankilozavrlar deb nomlanuvchi o‘txo‘r hayvonlar guruhiga kiradi. 

Bu Uayt orolida topilgan ikkinchi zirhli dinozavrdir. Birinchisi 1865-yilda topilgan Polacanthus foxii edi. Vectipelta barretti o‘zidan oldingisidan bo‘yin va umurtqa pog‘onasi suyaklarining tuzilishida farq qiladi.

“Topilma mening nomim bilan atalganidan faxrlanaman, ayniqsa, mening birinchi ilmiy maqolam zirhli dinozavrga bag‘ishlangan bo‘lgani uchun”, – dedi professor Barret.

• Dinozavr
• qiziqarli