Portugaliyadagi aviashou chog‘ida minglab tomoshabinlar ko‘z o‘ngida ikki samolyot to‘qnashib ketdi. Bir kishi halok bo‘ldi, yana biri yaralandi. Bu haqda “Anadulu” xabar berdi.

Qayd etilishicha, hodisa 2-iyun kuni Beja shahrida sodir bo‘lgan. Mamlakat harbiy-havo kuchlari oltita samolyot ishtirok etgan namoyish chog‘ida ikkita samolyot shikastlanganini ma’lum qilgan. To‘qnashuv ishtirokchilaridan biri halokatga uchragan, ikkinchisi qo‘nishga muvaffaq bo‘lgan.

Uchuvchilardan biri vafot etdi, u Ispaniya fuqaroligiga ega. Yana bir uchuvchi jarohatlangan. “Natijada tadbir to‘xtatildi, voqea joyiga 30 dan ortiq tez yordam mashinasi yetib keldi”, deb yozadi “The Sun”.

• Portugaliya
• aviashou