Rossiya prezidenti Vladimir Putin Suriya prezidenti Bashar Asad bilan kecha, 24-iyul kuni uchrashuv o‘tkazgan. Bu haqda Kreml matbuot xizmati xabar berdi.

Ular mazkur uchrashuvda Yaqin Sharqdagi vaziyatni muhokama qilishgan.

Shuningdek, uchrashuvda Rossiya Turkiya va Suriya munosabatlarini yaxshilashdan manfaatdor ekanligi aytilgan. Putin Asadning mintaqadagi vaziyat haqidagi fikrini tinglashdan juda manfaatdor ekanini qayd etib, mintaqadagi vaziyat tobora yomonlashayotganini ta’kidlagan.

Putin, shuningdek, Rossiya va Suriya oʻrtasidagi savdo-iqtisodiy munosabatlarda istiqbolli yoʻnalishlar mavjudligini, biroq bu sohada koʻplab savollar qolayotganini qoʻshimcha qilgan.

O‘z navbatida Asad bugungi tashrif davlatlar o‘rtasida diplomatik munosabatlar o‘rnatilganining 80 yilligiga to‘g‘ri kelishini eslatib o‘tgan.

Ma’lumot o‘rnida, Asad so‘nggi marta Moskvaga bir yil avval — 2023-yilning mart oyida tashrif buyurgan edi.

• Putin
• Rossiya
• Suriya