Los-Anjelesdagi “Zirobio” startapi qayta ishlangan qahva quyqumidan tayyorlangan dunyodagi birinchi mexanik qalam “GRIND Z”ni taqdim etdi.

Diametri 5,6 mm bo‘lgan qalam asosi barcha avtomatik qalamlarga mos keladi. Har bir novda qahva ishlab chiqarish chiqindilaridan tayyorlanadi.

Ya’ni, qahva qoldiqlariga maxsus bog‘lovchilar qo‘shiladi, bu kofe zarralarini bir-biriga mahkam yopishib olish va qog‘ozga bir tekis surtish imkonini beradi.

Uning tarkibi 20 foiz qayta ishlangan qahva va 80 foiz yelim va mumdan iborat.

Qalam varaqda och jigarrang rang qoldiradi.

Qalamlarni pichoq bilan yoki oddiy o‘tkirlashtirgich bilan o‘tkirlash mumkin. Ular odatiy grafitdan farqli o‘laroq, yozish paytida qo‘llarda iz qoldirmaydi. Biroq qog‘ozdagi qahva izlarini o‘chirib bo‘lmaydi.

“GRIND Z” qalamlari rassomlar uchun emas, balki ofis xodimlari, maktab o‘quvchilari va talabalar uchun ko‘proq mos keladi.

Yoqimli bonus sifatida ishlab chiqaruvchi yozish vaqtida qahvaning yoqimli achchiq hidini kafolatlaydi.

• sanoat