“Qamchiq” dovonida qor ko‘chish xavfi yuzaga kelganligi sababli avtomobillar harakati uchun vaqtincha yopilgan edi.

Qayd etilishicha, FVV rahbarligidagi daxldor korxona va tashkilotlarning mas'ullaridan iborat fuqarolarni qabul qilish – evakuatsiya shtabi tuzilib, “O‘zbekiston temir yo‘llari” AJ bilan hamkorlikda yo‘lda qolib ketgan yo‘lovchilarga maxsus reys orqali poyezd qatnovi yo‘lga qo‘yilgan va hududdagi ovqatlanish shoxobchalarida isinish maskanlari tashkil etilgan.

“Qamchiq” dovoni yo‘llarida qolib ketgan haydovchilarga FVV qutqaruvchilari tomonidan amaliy yordam ko‘rsatilgan. Dovon vaqtincha yopilib qolgan vaqtda 113 ta maxsus texnikalar hamda 250 nafar shaxsiy tarkib xizmatga jalb etilgan.

“Vaziyat FVV rahbariyati nazoratida”, – deyiladi xabarda.

“Qamchiq” dovonida ob-havo barqaror bo‘lmaguniga qadar dovon orqali vaqtinchalik harakatlanmaslik tavsiya etiladi.

• FVV
• Qamchiq