Ijtimoiy tarmoqlarda Kitob tumanida fuqarolar oʻrtasida mushtlashuv boʻlayotganligi haqida tasvirlar tarqalmoqda. Ushbu holat yuzasidan Qashqadaryo viloyati IIB axborot xizmati rasmiy munosabat bildirdi.

Holat yuzasidan maʼlum qilamizki, joriy yilning 18 iyul kuni soat taxminan 12.00larda Qashqadaryo viloyati, Kitob tumani, “Samarqand” mahallasi hududida, mahalliy yashovchilar oʻrtasida shaxsiy adovat zamirida janjal yuzaga kelib, ulardan fuqarolar T.O. va P.I.lar tan jarohatlari bilan Kitob tumani markaziy shifoxonasiga murojaat qilganlar.

Shu kuni, soat taxminan 15.30larda shifoxona hovlisida toʻplangan, jabrlangan fuqarolarning qarindoshlari oʻrtasida mushtlashuv kelib chiqqan.

Aniqlanishicha, oʻzaro janjal jarayonida fuqaro P.B. avtomashinasida boʻlgan pichoq bilan fuqarolar Q.I. va O.A.ga tan jarohati yetkazgan. 

Hozirda mazkur holat yuzasida Kitob tuman IIB tomonidan Oʻzbekiston Respublikasi JKning 277-moddasi 3-qismi “g” bandi bilan jinoyat ishi qoʻzgʻatilib, fuqarolar P.B., P.A., P.B., A.A., aka va uka R.F. va R.F. hamda R.B.lar Oʻzbekiston Respublikasi JPKning 221-moddasiga asosan protsessual tartibda ushlangan. 

• Qashqadaryo
• Qo‘l jangi