Kecha Isroil armiyasi Qatar poytaxti Doha shahriga bir nechta harbiy va qiruvchi samolyotlar orqali zarba bergan edi.

Xalqaro OAVlarning bergan xabarlariga ko‘ra, rasmiy Doha hozirda Isroil hujumining oqibatlarini bartaraf etish hamda unga qarshi javob hujumini yo‘llashni muhokama qilmoqda.

Rasmiy Tel-Aviv ham bu hujumni SAXAL(Isroil milliy mudofaa armiyasi) amalga oshirganini tasdiqladi.

“Ko‘p yillar davomida HAMASning ushbu rahbarlari terrorchilik tashkilotining operatsiyalarini boshqarib kelgan. Ular 7-oktyabrdagi shafqatsiz qirg‘in uchun ham bevosita javobgardirlar, shuningdek, Isroil davlati bilan olib borilayotgan urushni tashkil etish va boshqarishda ham faol ishtirok etganlar” - deyiladi SAXAL bergan bayonotida.

Keyinchalik Qatar tashqi ishlar vazirligi ham rasmiy bayonot bilan chiqib, “Isroil HAMAS siyosiy byurosi ofisi joylashgan turar-joy binolariga zarba berib, Qatar fuqarolari va xorijiy rezidentlar hayotini xavf ostiga qo‘ydi. Biz HAMAS siyosiy byurosi a’zolari eng yuqori darajada uchrashuv o‘tkazishga tayyorlanayotgan paytda uyushtirilgan hujum bo‘yicha tekshiruv boshladik va uning natijalari yaqin vaqt ichida e’lon qilinadi” - deya xabar berdi.

Shuningdek, mamlakat rasmiylari Isroilning “Qatar hujum haqida avvaldan ogohlantirilgan” deya bergan bayonotini to‘qib chiqarilgan va mutlaqo yolg‘on deb ta’kidlamoqda. TIV bu hujumga javob qaytarish vakolatini o‘zida saqlab qolishini va aslida qatarliklarning barchasi bu haqda amerikalik rasmiylardan eshitganini aytib o‘tdi.

• Havo hujumi
• Isroil
• Qatar
• hujum