Qozog‘iston Respublikasi Prezidenti Qosim-Jomart To‘qayev Qozog‘iston xalqi assambleyasining XXXII sessiyasi yig‘ilishida qonun normalari qog‘ozda emas, amalda barcha fuqarolar uchun birdek ishlashi kerakligini ta’kidladi.

Qozog‘iston rahbari demokratiya haqida gapirar ekan, tarozida nafaqat fuqaroning huquq va erkinliklari, balki uning burch va mas’uliyati ham borligini doimo yodda tutish zarurligini ta’kidladi.

“Insonlarga erkinlik berilganda buni haddan oshish bilan adashtirib yubormaslik, muloqot madaniyatini esa zaiflik sifatida qabul qilmaslik kerak. Bir kishining erkinligi boshqa birovning erkinligi boshlangan joyda tugashi azaldan ma'lum. Barkamol jamiyat qurish uchun qonun va tartib-qoidalarga qat'iy rioya etilishini ta'minlash kerak. Bu adolatli davlat qurishning asosiy tamoyilidir. Chunki, uni amalga oshirishda har qanday huquqbuzarlik uchun jazo muqarrarligini ta’minlash zarur. Qonun normalari qog‘ozda emas, amalda, jamiyatdagi mavqei yoki o‘tmishdagi xizmatlaridan qat’i nazar, barcha fuqarolarga nisbatan birdek amal qilishi kerak”, – dedi Qosim-Jomart To‘qayev.

Boshqa tomondan, Prezident odamlarning huquqiy madaniyatini izchil yuksaltirish, jamoatchilik ongida ijodiy qadriyatlarni tarbiyalash zarurligini qo‘shimcha qildi. Unga ko‘ra, har bir fuqaro o‘z so‘zi va harakatiga qonun nuqtayi nazaridan baho berishi, qilmishining huquqiy oqibatlarini aniq anglashi kerak.

"Plyuralizm – ha, radikalizm – yo'q" – bu tamoyil mustahkam bo'lib qolmoqda. Axborot makonimiz va jamoat maydonimizda do‘stlik va hamjihatlik, konstruktiv muloqot va ijodiy hamkorlik muhiti hukm surishi kerak. Qozog'iston uchun bular xayoliy narsalar va sun'iy kategoriyalar emas. Bu bizning tariximiz, bugunimiz va kelajagimiz”, – dedi Qosim-Jomart To‘qayev.
.

• Qosim-Jo‘mart To‘qayev
• Qozog‘iston