3-yanvar kuni soat 04:30 atrofida Nukus shahrida muddatli harbiy xizmatni o‘tayotgan 2005-yilda tug‘ilgan yigit odamlarga hujum qilgan.

Yigit mast holatda eshigi ochiq turgan xonadonga kirib, uxlab yotgan besh kishiga pichoq bilan tashlangan. Natijada bir kishi halok bo‘lgan, qolganlari jarohatlangan.

Bosh prokuratura matbuot xizmati rahbari Hayot Shamsutdinovning Xabardor.uz’ga ma’lum qilishicha, mazkur holat yuzasidan Jinoyat kodeksining 97-moddasi (Qasddan odam o‘ldirish) 1-qismi va 25, 97-moddasi (Qasddan odam o‘ldirishga suiqasd qilish) 2-qismi “a, l” bandlari bilan jinoyat ishi qo‘zg‘atilgan. Gumonlanuvchi shaxs (2005 y.t.) protsessual tartibda ushlangan.

Jabrlanuvchilarning 1 nafari vafot etgan, 4 nafariga shifoxonada zarur tibbiy yordam ko‘rsatilmoqda.

Nukus harbiy prokuraturasi tomonidan tergov harakatlari olib borilmoqda.

• Nukus
• Qoraqalpog‘iston
• Qotillik