Qoraqalpog‘istonning Qo‘ng‘irot tumanida zamonaviy aeroport quriladi.

Qo‘ng‘irot tumani hokimining 2021-yil 13-dekabrdagi mazkur masala yuzasidan murojaati bo‘yicha Qurilish vazirligi hamda mutasaddi tashkilotlarning tegishli xulosalari olindi va Qoraqalpog‘iston Respublikasi Vazirlar Mahkamasining 228-13-Q\21-sonli qarori qabul qilindi.

Unga ko‘ra, Qo‘ng‘irot tumani hududidan aeroport qurilishi uchun 256 gektar yer ajratilgan.

“Qurilishi rejalashtirilayotgan aeroportda havo kemalari hamda yo‘lovchilar uchun barcha sharoitlar yaratiladi. Aeroport hududida uchish yo‘laklari, yo‘lovchilar uchun kutish zali, ovqatlanish shoxobchasi, savdo hamda dam olish o‘rinlari bo‘ladi”, – deyiladi tuman hokimligi matbuot xizmati xabarida.

• Aeroport
• Qoraqalpog‘iston