Qozog‘istonlik xonanda Dimash Xudaybergen Jeki Chan ishtirokidagi yangi “Afsona” filmi uchun “This Love” saundtrekini ijro etdi. Bu haqda “Press.kz” nashri xabar berdi.

Qayd etilishicha, filmning oxirgi daqiqalarida Dimash Xudaybergen ijrosidagi “Bu sevgi” qo‘shig‘i yangraydi. Trek premyerasi 5-iyul kuni musiqiy platformalarda bo‘lib o‘tgan.

Fentezi film arxeolog (Jeki) va uning shogirdlari orzular olami va reallik o‘rtasida ko‘prik bo‘lib xizmat qiluvchi artefaktni qanday izlab topishi haqida hikoya qiladi. Muzlikni qazish vaqtida topilgan qoldiqlar arxeolog tushlaridan birida ko‘rgan nefrit tumorga juda o‘xshashligini payqaydi, deya ma’lumot berilgan xonandaning rasmiy saytida.

Qo‘shiq kompozitori “Oskar” mukofotining musiqa yo‘nalishidagi hakam Neytan Vang bo‘lib, u Jeki Chan bilan ko‘p yillar davomida birgalikda ishlagan. Ushbu trek Neytan Vang va Dimash Xudaybergen hamkorligidagi uchinchi loyihadir.

• Dimash
• Jeki Chan