Chexiya g‘arbidagi Krabchitse qishlog‘idagi otxonadan Checheniston rahbari Ramzan Qodirovga tegishli zotdor ot o‘g‘irlab ketildi. Bu haqda “Idnes” nashri xabar berdi.

Qayd etilishicha, Zazou nomli zotdor ingliz ayg‘irining qiymati qariyb 400 ming kron (taxminan 18 ming dollar)ga teng bo‘lgan. Ot Checheniston rahbari Ramzan Qodirovga tegishli bo‘lib, “Praga” xalqaro sanksiyalar asosida muzlatib qo‘ygan mulklari ro‘yxatiga kiritilgan.

“O‘g‘rilik joriy yilning 3 martidan 4 martiga o‘tar kechasi sodir etilgan bo‘lsa kerak. Aftidan, noma’lum shaxs otxonadagi eshikning xavfsizlik zanjirini yechib, nasldor ayg‘irni olib ketgan. Hozir jinoyatchi qidiruvda”, deydi politsiya kotibi Pavla Kofrova.

Ma’lumotlarga ko‘ra, 16 yoshli dafna ayg‘irining peshonasida oq yulduz belgisi bor, uning o‘ng orqa oyog‘ining bo‘g‘imi ostidagi qismi ham oq rangda.

Nashrning aniqlik kiritishicha, ot 2012-yilda sotib olingan.

• O'g'irlik
• Ramzan Qodirov