Amerikalik reper 50 Cent (asli ismi Kertis Jekson) “Paramount+” studiyasi bilan hamkorlikda kriminal serial suratga oladi. Serialga “Vice City” deya nom berish rejalashtirilgan.

Maʼlumotlarga koʻra, serialda oʻtgan asrning 80-yillaridagi voqealar aks ettiriladi. 3 nafar askar Eronga noqonuniy yoʻllar bilan qurol-yarogʻ yetkazib berish operatsiyasiga aloqadorligi tufayli qurolli kuchlar safidan haydab yuboriladi va ular ona vatani – Mayamiga qaytadi. Sobiq askarlar kolumbiyalik muhojir bilan hamkorlik qilib, jinoiy guruh tashkil etishadi.

Serial senariysi ustida “Transformers: Rise of the Beasts” loyihasi orqali koʻpchilikka tanish boʻlgan Darnell Metayer va Josh Piters ish olib bormoqda. Serialning qachon taqdim etilishi esa hozircha ochiqlanmagan.

• Kino
• Serial
• mashhurlar