Ronaldu “Arsenal”ga qarshi oʻyinda 27 marta bosim oʻtkazdi — bu uning Premyer-ligada bu mavsumdagi rekordi.

“Manchester Yunayted” hujumchisi Krishtianu Ronaldu APL doirasida “Arsenal”ga qarshi oʻyinda (3:2) pressingda faol ishtirok etdi.

Portugaliyalik futbolchi ushbu bahsda 27 marta pressing amalga oshirdi — bu uning Premyer-ligada joriy mavsumdagi eng yaxshi koʻrsatkichi. Ushbu oʻyingacha uning 90 daqiqa davomida oʻrtacha pressing harakati 14,4 martani tashkil etgan edi.

Shuningdek, 36 yoshli futbolchi 27 ta shunday harakatdan 16 tasini maydonning soʻnggi uchdan bir qismida amalga oshirgan, bu esa “Uotford”ga (3) qarshi oʻyindagidan 5 baravar koʻp.

Maʼlumot uchun, Ronaldu joriy mavsum Premyer-liga doirasida 11 oʻyin oʻtkazib, 6 ta gol, 2 ta assistga mualliflik qilgan.

• Futbol
• Ronaldu
• Xorij