Portugaliyalik hujumchi Krishtianu Ronaldu “Al-Nasr”dan ketish haqida o‘ylamoqda.

Besh karra oltin to‘p sohibi klubning oldiga qo‘ygan maqsadlariga shubha bilan qaramoqda. Krishtianu ko‘plab sovrinlar yutishni xohlaydi, jumladan, Osiyo Chempionlar Ligasini ham. Ammo Ronalduning fikriga ko‘ra, “Al-Nasr”dagi mavjud tarkib bunga imkon bermaydi.

Futbolchi joriy mavsum Saudiya Arabistoni chempionati doirasida 12 ta o‘yinda maydonga tushib, 10 ta gol urgan va 2 ta golli uzatmani amalga oshirgan. “Al-Nasr” hozirda chempionat yetakchisi “Al-Ittihod”dan 11 ochko ortda qolgan holda musobaqa jadvalida to‘rtinchi o‘rinda bormoqda.

Ma’lumot uchun, Krishtianu Ronalduning “Al-Nasr” bilan shartnomasi shu yilning yozida yakuniga yetadi va u klub bilan yangi shartnoma imzolamasa, erkin agent maqomiga ega bo‘lgan holda istalgan jamoadan kelgan takliflarni ko‘rib chiqishi mumkin.

• Al-Nasr
• Ronaldu