Shu kunlarda Osiyo chempionlar ligasining so‘nggi tur uchrashuvlari o‘tkazilmoqda. Kecha, 4 dekabr O‘zbekistonning 2 jamoasi “Navbahor” va “Nasaf” keyingi bosqich yo‘llanmasini qo‘lga kiritdi.

Bugun “Al-Fayha” bilan o‘yinda esa “Paxtakor” jamoasining taqdiri hal bo‘ladi. Nimchorak final bosqichiga qurʼa tashlashdan avval jamoalar ikkita savatga ajratiladi. Birinchi savatdan guruh g‘oliblari o‘rin oladi, ular orasida eng yomon natija qayd etgan klub ikkinchi savatga joylashtiriladi. Aynan “Nasaf” ikkinchi savatchadan o‘rin oladigan bo‘ldi. Natijada Ro‘ziqul Berdiyev jamoasi nimchorak finalda guruh g‘olibi bo‘lgan jamoa bilan to‘qnash keladi. Demak, birinchi savatdan “Al-Hilol”, “Al-Nasr”, “Al-Ittihod” va “Al-Ain” jamoalari joy oladi. Ikkinchi savatdan esa “Nasaf”, “Navbahor” jamoalari bilan birga ikkinchi o‘rin uchun kurashayotgan jamoalar “Persopolis”, “Paxtakor”, “Al-Fayha”, “Al-Sadd” o‘rin olishi mumkin.

Bugun keyingi bosqichga yo‘l oladigan keyingi jamoa nomi maʼlum bo‘ladi. Shuningdek, nimchorak finalda bitta guruhdan joy olgan ikkita jamoa bir-biriga to‘qnash kelmaydi. Shu sababli “Nasaf”, “Navbahor” finalda “Al-Hilol”ga raqib bo‘lmaydi.

Namanganliklar “Al-Nasr”, “Al-Ittihod” yoki “Al-Ain” bilan to‘qnash kelishi mumkin. Ronaldu O‘zbekistonga keladimi? “Al-Nasr”ning nimchorak finalda yurtimizga kelish ehtimoli hozircha 50 foizga teng. Agar “Paxtakor” pley-offga chiqsa, bu ko‘rsatkich 75 foizga ortadi. Osiyo chempionlar ligasining nimchorak bahsiga qurʼa tashlash marosimi 28-dekabr kuni bo‘lib o‘tadi.

• Futbol
• Ronaldu