Braziliya aviatsiya hodisalarini tadqiq qilish va oldini olish markazi (CENIPA) Rossiya Embraer Legacy biznes-jeti halokatini xalqaro standartlarga muvofiq tekshirmaslikka qaror qilganini bildirdi. Bu haqda "Reuters" agentligi yozmoqda.

Shu bilan birga, CENIPA halokatga uchragan samolyot Braziliyada ishlab chiqarilgani uchun tergovga qo'shilishga tayyorligini bildirmoqda. Hozirda Tver viloyatida halokatga uchragan samolyotga o'xshash platformada qurilgan, sig'imi 37 dan 50 gacha bo'lgan 802 ta Embraer samolyoti ishlamoqda.

CENIPA’ning qoʻshimcha qilishicha, halokat ichki reysda sodir boʻlgan, shuning uchun xalqaro tergov qoidalari unga taalluqli emas.

"Rossiya tomoni (tergovga) rozi bo'lishga majbur emas. Ularga buni qilish tavsiya etiladi, xolos", dedi CENIPA rahbari Marselo Moreno.

Markaz Embraer'ning halokati yuzasidan o'tkazilayotgan tergovda masofadan turib ishtirok etadi.

Eslatib o'tamiz, joriy yilning 23-avgust kuni bortida "Vagner" asoschisi va yana 9 nafar shaxs bo'lgan Embraer biznes-jeti halokatga uchradi. Bu voqea Putin "oshpazi"ning Moskvaga yurishidan o'tib sodir bo'ldi. Aksariyat tahlilchi va siyosatchilar avihalokatni Vladimir Putinning qasosi deya baholashdi. Xususan, AQSh prezidenti Jo Bayden ham Rossiyadagi barcha ishlarning ortida Putin turishini aytdi.

Kecha, 29-avgust kuni Prigojin va uning o‘rinbosari Valeriy Utkin Peterburgdagi qabristonga dafn etildi. Dafn marosimi yopiq rejimda o‘tkazilgan.

• Braziliya
• Prigojin
• Rossiya