Rossiya TIV rasmiy vakili Mariya Zaxarova Ukrainani Qrim ko‘prigiga hujum uyushtirganlikda aybladi. Bu haqda u o‘zining Telegram kanalida ma’lum qildi.

“Qrim koʻprigiga bugungi hujumni Kiyev rejimi amalga oshirdi. Bu rejim terroristik va xalqaro uyushgan jinoiy guruhning barcha belgilariga ega”, – deb yozadi diplomat.

Uning so‘zlariga ko‘ra, Qrim ko‘prigidagi “terrorchilik hujumi” Amerika va Britaniya razvedka xizmatlari ishtirokida amalga oshirilgan.

“Qarorlar Ukraina rasmiylari va harbiylari tomonidan Amerika va Britaniya razvedka idoralari hamda siyosatchilarning bevosita ishtirokida qabul qilinadi. AQSh va Britaniya terrorchi davlat tuzilmasi uchun javobgardir”, – dedi Zaxarova.

Avvalroq Qrim ko‘prigida 17-iyulga o‘tar kechasi portlashlar eshitilgani, kamida ikki kishi halok bo‘lgani xabar qilingandi.

• Qrim
• Rossiya