18-oktyabr kuni BAA gumanitar vositachiligida tomonlar harbiy asirlarni almashdi: 95 nafar rossiyalik askar evaziga 95 nafar ukrain harbiylari Kiyevga qaytarildi. Bu haqda WAM nashri xabar berdi.
Qayd etilishicha, Birlashgan Arab Amirliklari ayirboshlashda vositachi sifatida ishtirok etgan. Ikki tomondan almashiladigan asirlar soni 190 kishini tashkil qilgan. Bu almashinuv BAA vositachiligida joriy yil boshidan buyon ikki davlat o‘rtasidagi to‘qqizinchi marta amalga oshirilgan tadbirdir.
Rossiya Mudofaa vazirligi ayni paytda Ukraina asirligidan qaytgan harbiylarga har tomonlama yordam ko‘rsatilayotganini ma’lum qilgan.
“Hozirda barcha rossiyalik harbiy xizmatchilar Belarus hududida bo‘lib, u yerda ularga zarur psixologik va tibbiy yordam ko‘rsatilmoqda, shuningdek, qarindoshlari bilan bog‘lanish imkoniyati yaratilmoqda”, – deyiladi xabarda.
Shuningdek, Ukraina Prezidenti Vladimir Zelenskiy ham o‘z sahifasida 95 nafar ukrainalik Rossiya asirligidan qaytganini tasdiqlagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!