G‘azodagi Favqulodda holatlar xizmati xabar berishicha, G‘azoning shimolida, ayniqsa Jabaliyada 200 mingga yaqin aholi Isroilning 14 kundan beri davom etayotgan qurolli hujumi oqibatida oziq-ovqat, suv va dori-darmonlar ta’minotida jiddiy tanqislikka duch kelmoqda.

Qayd etilishicha, Isroil armiyasi G‘azoning shimolida binolar, uylar va infratuzilmalarni bombalab, ularning barchasini yo‘q qilishga harakat qilmoqda.

“Ko‘plab falastinlik fuqarolar Isroil kuchlari tomonidan o‘ldirilgan, ularning ba’zilari vayrona ostida qolgan yoki yo‘llarda otib o‘ldirilgan. Harbiy hujumlar davom etayotgani uchun biz ularning jasadlarini chiqarish imkoniyatiga ega emasmiz”, – deydi Favqulodda holatlar xizmati matbuot kotibi Mahmud Basal.

Basalning so‘zlariga ko‘ra, Isroil armiyasi hududdagi har qanday harakatlanayotgan obyektni nishonga olmoqda, bu esa qutqaruv guruhlarining jasadlarni olib chiqishini imkonsiz qilib qo‘ygan.

• Falastin
• Isroil