Ozishning yo‘llari ko‘p. Ulardan biri va eng arzoni arqon (sakragich)da sakrash desak, balki sizga kulgili tuyular. Biroq bu haqiqat.

- Arqonda sakrash orqali sog‘lom va maftunkor bo‘lay desangiz quyidagi narsalarni bilishingiz darkor.

- Kaloriyalarni yo‘qotish va qon-tomir tizimini rivojlantirish uchun juda kerakli mashg‘ulot.

- Agar ko‘pincha o‘tirib ishlaydigan bo‘lsangiz yoki aksincha, doimiy og‘ir narsani ko‘tarish tufayli belingiz tez-tez og‘riydigan bo‘lsa, bu holatda ham sakrash qo‘l keladi. Bu orqa tomon uchun juda yaxshi vosita, chunki bu jarayonda umurtqa pog‘onasi cho‘ziladi. Natijada skolioz muammosini unutish mumkin.

- Yurak mushaklarini rag‘batlantiradi.  

- Qon tezroq aylanib, qon bosimiga ijobiy ta’sir qiladi.  

- Doimiy mashg‘ulotlar keksayganda yurak xuruji oldini olishga imkon beradi.  

- Chidamlilikning sezilarli darajada o‘sishi kuzatiladi, chunki sakrash paytida siz bir maromga bardosh berishingiz kerak, bu unchalik ham oson emas.  

- Vaqt o‘tishi bilan kun bo‘yi charchoq nimaligini ham unutasiz.  

- Bundan tashqari, bu nafas olish va muvozanatni saqlash qobiliyatiga ijobiy ta’sir ko‘rsatadi.

- Ko‘pchilik arqonda sakrash - bu ajoyib stressga qarshi kurash ekanini bilmaydi. Bunday mashqlar asab tizimiga ijobiy ta’sir etadi. Ruhiy kayfiyat yaxshilanadi.

- Sakrash natijasida organizmdagi toksin va toshqol(shlak)lar chiqib ketadi, qon tomirlari varikozi kuchaymaydi. 

Eslatma! Sakrayotganda imkon qadar tezroq nafas olishni o‘rganishga harakat qiling, bu mashqdan keyin o‘pkada yuz beradigan og‘riqdan saqlaydi. 

Ovqatlanishdan oldin yoki ovqatdan ikki soatdan keyin mashq bilan shug‘ullaning.

Dilfuza Ismoilxo‘jayeva, psixolog. 

Manba: “Shifo-info” gazetasi.

• Foydali
• salomatlik