Prezident Shavkat Mirziyoyevning tashqi investitsiya va qo‘shma hamkorlik kelishuvlariga yaratayotgan imkoniyatlari doirasida Navoiy viloyati hokimi Normat Tursunov boshchiligidagi delegatsiya Rossiya Federatsiyasida xizmat safarida bo‘ldi.

Safar uchrashuvlarga va muzokalarga boy bo‘lib o‘tgan. Jumladan, “1520” kompaniyasi guruhlari bosh direktori o‘rinbosari Dmitriy Bolotskiy, “Профайн” kompaniyasi bosh direktori Yelena Yermakova, “Русский Лён” kompaniyasi ijrochi direktori Valeriy Misharin, “Природний камен” kompaniyasi ta’sischisi Pyotr Zasedatelevlar bilan uchrashuvlar tashkil etildi. Bu haqda viloyat hokimligi xabar qildi.

Uchrashuvlar davomida temir yo‘l uchun zarur bo‘ladigan butlovchi va ehtiyot qismlari ishlab chiqarishni yo‘lga qo‘yish, “Navoiy” EIZ hududida qiymati 5 mln dollarlik eshik va derazalar hamda ehtiyot qismlari ishlab chiqarishni tashkil etish, zig‘ir poyasi va paxta tolalari aralashmalaridan ip kalavadan boshlab tayyor mahsulotgacha ishlab chiqarish loyihalari, Navoiy viloyatidan Rossiya Federatsiyasiga tabiiy pardozbop toshlarni eksport qilish bo‘yicha muzokara olib borildi.

Eng e’tiborli jihati, uchrashuvning ilk kunidayoq delegatsiya 40 mln dollarlik kelishuvga erishgan.

• Rossiya