Avvalroq, Rossiyaning Ijevsk shahridagi 88-sonli maktabiga noma’lum shaxs qurol bilan bostirib kirib, otishma uyishtirgani xabar qilingandi.

Hozirda politsiya maktabda otishma uyushtirgan kishining shaxsini aniqladi. U shu maktab bitiruvchisi bo‘lib chiqdi.

“Ma’lum bo‘lishicha, u shu maktabning 1988-yilda tug‘ilgan bitiruvchisi ekan. Uning neofashistik qarashlarga aloqadorligi tekshirilmoqda. U nasistlar timsoli tushirilgan qora futbolka kiyib olgandi”,– deyiladi politsiya hisobotida.

Eslatib o‘tamiz, Rossiya Federatsiyasi Tergov qo‘mitasi ma’lumotiga ko‘ra, qurolli hujum oqibatida 13 kishi halok bo‘ldi, 7 nafari maktab o‘quvchisi – aksariyati birinchi sinfga borgan. Shuningdek, 20 kishi jabrlangani aytilmoqda.

Jinoyatchi yakunda o‘z joniga qasd qilgan.

• Maktab
• Otishma
• Rossiya
• Terakt