Rossiya deputati Semyon Bagdasarov telekanaldagi jonli efirda inqirozdan foydalanib, Markaziy Osiyodan tortib, Turkiyaga qadar bosib olishni taklif qildi. Tabiiyki, bu vaziyatga o'zbek OAV vakillari va faollari o'z pozitsiyasini bildirmoqda. Xususan, Rasul Kushervayev ham bu mavzuni e'tobordan chetda qoldirmadi.

"Ular do‘st bo‘lmoqchi emas, shunchaki bosib olmoqchi

Odatda rus rahbariyatining yashirin istaklarini mana shu kabi deputatlari baralla aytishni boshlaydi. So‘ng sekin-asta jamoatchilikning quloqlari bunga ko‘nikib bo‘lgach, ushbu maqsadga yetish uchun haqiqiy harakatlar boshlanadi.

Dastlab Ukrainani bosib olish harakatlari ham dastlab shunday chiqishlar bilan boshlangan edi. Bugun esa bu haqiqatga aylandi.

Bu harakatlardan bir narsa ayonlashib bormoqda: ular do‘st bo‘lmoqchi emas, shunchaki bosib olmoqchi",-deydi Kusherbayev.

• Bosqinchilik
• Rasul Kusherbayev
• Rossiya